जेष्ठ- १०
बारा – मधेस प्रदेश सरकारका नवनियुक्त विना विभागीय मन्त्री मा. महमम्द समिरलाई बधाई तथा शुभकामना व्यक्त गर्दै कलैया उपमहानगरपालिका–६ स्थित मदरसामा एक विशेष कार्यक्रम सम्पन्न भएकोछ ।
कार्यक्रमलाई सम्बोधन गर्दै मन्त्री महमम्द समिरले आफूलाई जनताले दिएको विश्वास र जिम्मेवारीलाई इमान्दारीपूर्वक पूरा गर्ने प्रतिबद्धता व्यक्त गर्नुभयो । उहाँले मधेस प्रदेशको विकास, शिक्षा, स्वास्थ्य, कृषि, रोजगारी तथा आधारभूत पूर्वाधार निर्माणलाई प्राथमिकतामा राखेर काम गर्ने बताउनुभयो ।
उहाँले आफ्नो राजनीतिक यात्रा जनताको साथ र समर्थनबाट सम्भव भएको उल्लेख गर्दै आगामी दिनमा पनि जनताको समस्या समाधानका लागि निरन्तर सक्रिय रहने धारणा राख्नुभयो । मन्त्री समिरले मधेस प्रदेशको समृद्धि र सामाजिक सद्भाव कायम राख्न सबै पक्षबीच सहकार्य आवश्यक रहेको समेत बताउनुभयो ।
बधाई तथा शुभकामना कार्यक्रममा विभिन्न राजनीतिक दलका प्रतिनिधि, स्थानीय अगुवा, धार्मिक व्यक्तित्व तथा सञ्चारकर्मीहरूको समेत उपस्थिति रहेको थियो । कार्यक्रम सौहार्दपूर्ण वातावरणमा सम्पन्न भएको आयोजकले जनाएको छ ।
