मिति: २०८३ असोज ०५ गते
कलैया – बारामा अवैध लागू औषध ब्राउन सुगरसहित एक भारतीय नागरिकलाई प्रहरीले पक्राउ गरेको छ।
पक्राउ पर्नेमा भारत, मोतिहारी जिल्ला, नकरदेही पञ्चायत वडा नं. २ बिर्ता टोलका अन्दाजी ४० वर्षीय दुखी साह रहेका छन्।
इलाका प्रहरी कार्यालय प्रसौनी र प्रहरी चौकी मुसहर्वा बाराबाट संयुक्त रूपमा खटिएको प्रहरी टोलीले असोज ०४ गते बिहान करिब ०९:३० बजेको समयमा जिल्ला बाराको विश्रामपुर गाउँपालिका वडा नं. ०४ बलिरामपुरस्थित भारतबाट नेपालतर्फ आउँदै गरेको अवस्थामा साहलाई रोकेर चेकजाँच गरेको थियो।
चेकजाँचका क्रममा उनले चलाएको साइकलको सिटमुनि लुकाई-छिपाई ल्याउँदै गरेको ब्राउन सुगर जस्तो देखिने धुलो पदार्थ (प्लास्टिकसहित ७.३५ ग्राम) बरामद भएपछि प्रहरीले उनलाई नियन्त्रणमा लिएको हो।
पक्राउ परेका साहमाथि लागू औषध कसूरमा मुद्दा दर्ता गरी सम्मानित बारा जिल्ला अदालत कलैयाबाट दिन ५ (पाँच) को म्याद थप अनुमति लिई इलाका प्रहरी कार्यालय प्रसौनी बाराबाट थप अनुसन्धान भइरहेको सूचना अधिकारी प्रहरी नायव उपरीक्षक मिन बहादुर घलेले जानकारी दिनुभएको छ।
