बाराका प्रवक्ता तथा सूचना अधिकारी प्रहरी नायब उपरीक्षक विजयराज पण्डितका अनुसार प्रदर्शनकारीहरूले सडक अवरुद्ध गर्नुका साथै हिँडडुल गर्ने सर्वसाधारण तथा सवारी साधनलाई समेत अवरोध पुर्‍याउँदै हो–हल्ला गरेका थिए। प्रहरी टोलीले सम्झाउने प्रयास गर्दा उल्टै प्रहरीमाथि गालीगलौज, अपशब्द प्रयोग तथा हातपात गर्ने प्रयास भएको उनले जानकारी दिए।

शान्ति सुरक्षामा खलल पुगेपछि प्रहरी वरिष्ठ नायब निरीक्षक विनोद राना मगरको कमाण्डमा खटिएको टोलीले तीन जनालाई नियन्त्रणमा लिएको हो। नियन्त्रणमा लिइएका व्यक्तिहरूमा रौतहटको दवाही गोनाही गाउँपालिका–५ की २६ वर्षीया दिव्या रानी, बाराको जीतपुरसिमरा उपमहानगरपालिका–८ की २५ वर्षीया निशा भारती र ५७ वर्षीया निशा देवी रहेका छन्।

उक्त घटनाबारे थप अनुसन्धान भइरहेको प्रवक्ता पण्डितले सोमबार प्रेसविज्ञप्तिमार्फ निकालि  जानकारी गराएका छन्।