माधव नेपालले रौतहट–१ नवनिर्वाचित सांसद चौधरीलाई दिए बधाई। जनताको सेवमा निरन्तर रहने गरे प्रतिबद्धता ।
प्रेमचन्द्र झा
रौतहट – पूर्व प्रधानमन्त्री तथा नेपाली कमनिष्ट पार्टीका संयोजक माधव कुमार नेपाल ले रौतहट–१ बाट प्रतिनिधि सभा निर्वाचित सांसद राजेश चौधरी लाई हार्दिक बधाई दिनुभएको छ। रौतहट–१ बाट प्रतिनिधि सभा निर्वाचनमा वरिष्ठ वामपन्थी नेता माधव नेपालले अपेक्षित सफलता प्राप्त गर्न सक्नुभएन। तथापि, उहाँले लोकतन्त्रको सर्वोच्च मूल्य—जनताको निर्णय—को पूर्ण सम्मान गर्दै निर्वाचन परिणामलाई सम्मानपूर्वक स्वीकार गर्नुभएको छ।उहाँले विजयी राजेश चौधरीलाई सफल कार्यकालको शुभकामना व्यक्त गर्दै भन्नुभयो, “जनताको माया र विश्वास नै मेरो सबैभन्दा ठूलो शक्ति हो।” साथै, उहाँले आफ्नो पक्षमा मतदान गर्ने सम्पूर्ण मतदाता र चुनावी अभियानमा खटिएका पार्टीका सदस्यप्रति गहिरो कृतज्ञता व्यक्त गर्नुभयो।
तपाईंहरूको साथ र भरोसा मेरो जीवनको अनमोल धरोहर हो,” उहाँले भावुकतापूर्वक भनुभयो। नेपालले राजनीतिक जीवनमा हार–जित स्वाभाविक प्रक्रिया भएको स्पष्ट गर्दै अब आफ्नो भूमिका रचनात्मक प्रतिपक्षको रूपमा रहने बताउनुभयो। उहाँले थप्नुभयो, “मतले हार जित त ल्याउँछ, तर जनताको सेवा गर्ने प्रतिबद्धता कहिल्यै हराउँदैन। शिक्षा, स्वास्थ्य, रोजगारी, भ्रष्टाचारको अन्त्य र सुशासन कायम गर्दै सुसंस्कृत र समृद्ध समाज निर्माणका लागि म निरन्तर आवाज उठाउनेछु। समाजमा विद्यमान विकृति–विसंगतिका विरुद्ध पनि सक्दो योगदान दिइरहने बताए । उहाँले भावुकतापूर्वक आगामी लक्ष्य र प्रतिबद्धता व्यक्त गर्दै भन्नुभयो, “बाँकी जीवन पनि म रौतहट र सम्पूर्ण नेपाल राष्ट्रको सेवा, हित र समृद्धिमा समर्पित गर्नेछु। सामाजिक रूपान्तरण र न्यायपूर्ण समाज निर्माणमा मेरो यात्रा निरन्तर रहिरहनेछ।
राजनीतिक विश्लेषकहरूका अनुसार रौतहट–१ को मत परिणामले क्षेत्रीय राजनीतिक परिदृश्यमा नयाँ समीकरण सिर्जना गर्ने सम्भावना देखिन्छ। माधव नेपालले चौधरीको जित स्वीकार गर्नुले जनताको विश्वास र सेवा प्रतिको उहाँको प्रतिबद्धता बलियो रहेको देखाउँछ। अब उहाँको ध्यान रचनात्मक प्रतिपक्षको भूमिकामा, क्षेत्रीय विकास र जनसुविधा सुनिश्चित गर्नेतर्फ केन्द्रित रहने भनुयो।निर्वाचन परिणामले भविष्यको रणनीतिमा नयाँ आयाम थप्ने विश्वास व्यक्त गरिएको छ। यससँगै माधव नेपालले भावनात्मक संदेशमार्फत जनतालाई आश्वस्त पार्नुभयो कि उहाँको यात्रा जनताको पक्षमा निरन्तर रहिरहनेछ।
